الطريقة المثلى للمذاكرة القصوى
1-الخطوات:أولاً:التزام الفكرة الأساسية للمذاكرة وهي الرغبة.الرغبة للمذاكرة هي مفتاح الحماس ولكي تحصل على الحماس من الرغبة يجب أن تركز على أن تبدأ بالأشياء البسيطة والسهلة في المذاكرة وبالتدريج يمكن أن تتحمس للمواصله(العمل البنبدي بنتم)وممكن طريقة ثانية أنك تتصفح المادة قبل ما تبدأ تذاكر وتحدد الأماكن المحتاجة تركيز عشان تعطيها وقت أكثر والاماكن المتذكرها اعمل ليها تسميع في سرك وبعداك واصل .ثانياً:ركز على أنك تلغي فكرة(لازم أعمل جدول لو ما عملته ما حأنجح)الكلام ده غلط حاول أعمل جدول في رأسك والتزم بيه وبعد اسبوعين أو ثلاثة من الالتزام بتنتظم بعداك ممكن تعمل جدول لو مُصِرّ.ثالثاً:أختار الأقات المناسبة للمذاكرة مثل بالصباح وبالليل لتكون مرتاح جسدياً وتحديد زمن للمذاكرة يكون معقول تدريجي وبعداك ممكن تزيد وبالمقابل لازم تحدد الأماكن المناسبة للمذاكرة لأنها بتعطيك شعور للمواصله وجهز أدواتك وما تذاكر وانته راقد ولا واقف.ر ابعا وأخيرا لازم تبدأ المذاكرة بالمواد المحببة ليك ما شرطا تبدأ بالقرآن الكريم
بعدما تكمل أي مادة حاول أعمل أسئلة توقع من الامتحانات عشان تقدر تفهم طريقة الأسئلة بتساعد في زمن الامتحان بعدين وأختار الاسئلة الصعبة من الامتحانات ودونها في الكتاب.
2-التنظيم:أولاً: أعطي وقت للأشياء الممكن تواجهك في المذاكرة(يعني تعمل فواصل بين كل فصل في الكتاب ولا جزء عشان ما تزهج سريع يعني زي 20دقيقة بتساعدك في ثلاثة حاجات:1-بتخلصك من الزهج.2-بتساعدك في الراحة من المذاكرة.3-لو حصلت حاجة وانته بتذاكر ممكن توفر وقت وتعمل حاجة وفي نفس الوقت بتغير جو). . ثانيع: لزيادة الحماس ممكن تعمل مجموعات بين أصحابك عشان تركز أكثر وتتبادلو المعلومات بينكم. ثالثاً:لازم تحدد نوع المذاكرة بتاعتك لو بتذاكر بالكتابة والتدوين في الكراس بكون احسن لانو برسخ المعلومة في الرأس ولا تذاكر بي صوت عالي من كتابة(ودي بتنفع لي مذاكرات المراجعة).
3نصائح جانبية:أولاً:لمن تكون عايز تقرأ بتحس بي شعور بأنك زهجان وبتضيع وقت كتير وخايف تنسى المعلومات الراجعتها(طبعاً ما اي زول لكن بكونوا الأغلبية ودي حاجة عادية بتحصل) ودي المرحلة الأولى للمذاكرة لو اتغلبت عليها بتنتقل للمرحلة التانية مرحلة التركيز في المذاكرة عشان تقدر تفهم أكبر قدر من المعلومات وتحفظ سريع. ثانياً:بعد وقت من بدايتك بتحس بي زهج وضيق كتير وصداع وبتصل مرحلة القراية بس من دون اي فهم هنا تركيز بكون انتهى ومحتاج راحة عشان تركز وتجمع.ثالثاً:بعدما تنتهي من المادة اعمل مراجعة سريعه.
رابعاً وأخيراً:المنشور ده فكره خاصة عن رأيي في الحالة الحاصله للطلبه من عدم للمذاكرة فقلت أشارك بيه ليكم والله أعلم وربنا يوفقكم وجزاكم الله خيرا
