جماعة لي نجحت في بكالوريا 2020 و تريد الالتحاق بتخصص الحقوق هذا ملخص ما سوف تدرسونه في الثلاث سنوات الاولى ليسانس :
#الجزء_الاول : سنة اولى حقوق ليسانس
سنة اولى ليسانس :
- مقياس المدخل الى العلوم القانونية :
تقرا تتعريف القانون ، خصائصه ، انواعه ، مصادر القانون يعني مين نجيبو حنا القانون ، تتعرفو يعني على هاد التخصص من خلال هاد المقياس و في السداسي الثاني : تقراو الحق و الملكية على الاشياء منزل ، سيارة ، اسمك لقبك ، صورتك هادو كلهم حقوق لصيقة بالشخص ، تقراو الدين كذلك ( كي واحد يسالك ) يسموه التزام
- مقياس القانون الدستوري : السداسي الاول تقراو فيه انه اعلى قانون فالبلاد لا يعلى عليه اي شيء هو ملش فالبلاد ، تقراو مصادره يعني كيف يتم انشاء دستور ، انواع الدساتير ، تقراو نوع الدستور المستعمل في الجزائر ، و في السداسي الثاني الانظمة السياسية في العالم شبه رئاسي ، رئاسي ، برلماني ، و تقراو على الانتخابات كيفاش تنظم و انواعها شروط الانتخاب شروط الترشح للانتخابات ، الأحزاب السياسية كيفاش تنشأ خزب سياسي ، كيفاش تتكون و تنخرط في حزب كدا .
- مقياس القانون الاداري : سداسي اول تقراو فيه البلدية ، الولاية من واش تتكون كل وحدة مهام الوالي و المير ، و الشخصية المعنوية لي هي الشركات كدا ، السداسي الثاني تقراو المهام تاع الولاية و البلدية و المرافق العامة تاعهم ، تقراو الضبطية القضائية يعني عمل الشرطة قضائيا و كيفاش الدولة تحافظ على البلاد بالعقوبات لي طبقهم و كدا
- مقياس المنهجية و الفلسفة : سداسي اول راح تقراو فلسفة القانون يعني الفلاسفة كيفاش يشوفو القانون كيفاش القانون خلق و كيفاش جا اول مرة كاين لي يشوفو بتكون بوجود جماعةناس مع بعض في مكان ، كاين لي يشوفو بفعل الطبيعة ، كاين لي بالمعاملة و السداسي الثاني تقراو المنهجية تاع البحث الجامعي يعني يعلموك كيفاش دير بحث
- مقياس تاريخ النظم : تقراوها غير في سداسي اول و بعدها يبدلوه بشريعة اسلامية المهم تاريخ النظم هذا تقراو ليه تاريخ القانون اول قانون على وجه الارض عو قانون سيدنا ادم مع ولادو و تبظا تكلع الحكاية قانون القوة و الاخذ بالثأر ، التحكيم و بعدها حمو رابي و جماعته ، و بعدها السداسي الثاني تقراو شريعة اسلامية : تحكو كيفاش الشريعة تحكم بين الناس و الرسول عليه الصلاة والسلام كيفاش حكم بين ناس و كيفتش صحابة دارو كيمات و الخ
- المجتمع الدولى : تقراوه غير السداسي الاول و يتغير السداسي الثاني الى اقتصاد سياسي ، المجتمع الدولي تقراو فيه العلاقات بين دول العالم و الحروب و الازمات الدولية كي شغل تاريخ و جغرافيا الحرب الباردة و كدا ، اقتصاد سياسي بعده السداسي الثاني تقراو فيه الاقتصاد تاع الدولة ميف يبنى و كيف تعرف الندرة و الحاحة الى السلعة و المال تعريف المال و كيفاش تحارب البطالة فالبلاد ، و من واش يجي الفقر
- مصطلحات قانونية : اخر مقياس هذا تقراو فيه كامل واش قريتو يترجمولكم بععض الكلمات منهم الى الفرنسية
#بارطاجي | #طاقي_ناس_تعرفها
يتبع .....
